La pasta: anche i milanesi più ortodossi non possono rinunciare ad un piatto di questo primo per eccellenza. Certo, noi abbiamo il risotto giallo, ma…

 

Oggi proprio questo è l’argomento che affronteremo in dialetto, la pasta. Quali sono i tipi di pasta? Le varietà? Siete pronti a partire per un viaggio in rima nel mondo della pasta? Lasciate che vi conduca il nostro Carletto Oblò.


I VARIETÀ DE PASTA

CANNELLON, el professor,
l’ha cusì ’l sò sògn d’amor,
s’è sposaa con la soa bèlla
la gustosa TAJADELLA.

Celebrant el Don FUSILL,
nanca el cas de stà chì a dill.
Dree l’altar, con gran passion
el maester RIGATON

dirigeva el sò corètt
cont in man on bèll SPAGHETT.
Invidaa hinn staa i fradèi
e i visin, i VERMISEI,

parentèlla, quèlla strètta
soratutt la zia BAVETTA.
Gh’eren poeu i sò cusin
quèi de Bagg, i BUCATIN.

Fra i parent che gh’ha la sposa
gh’è invidaa ‘na zia gustosa
che la fa de parentèlla
FETTUCCINA, pròppi quèlla

e con lee el sò tosin
che de nòmm la fa LINGUIN ;
poeu parent che stann lontan
de cognòmm lor fann MEZZAN

cont insèma i sò trii fioeu
paciaròtt : i trii RAVIOEU.
Gh’era i sciori CONCHIGLIETT
coi sò amis, i OREGETT.

Tutt ‘sti gent inscì important
s’hinn settaa al ristorant :
a gestill con tant passion
on gran coeug : el TORTIJON.

Tutt tranquill, domà ona lagna,
semper lee, la zia LASAGNA
inzigada dai cusin
che se ciamen FARFALLIN.

Gh’era poeu ‘l nodar SPAGHETT
che settaa al sò banchètt
controllava, drizz i antènn,
ghe fregassen nò i sò PENN.

Eren tucc col vestii noeuv
Impastaa de PASTA A L’OEUV
I spositt hinn già in crocera,
tutt finii, me par nò vera,

hinn giamò rivaa a l’Havana
in mar de POCCIA e GRANA.
Quindes dì, poeu hinn tornaa a cà
e a l’orari del disnà

TAJADELLA nauseada
al marì, on poo smorfiada,
la ghe dis cont el magon :
« Basta pasta CANELLON

la me ven foeura di orègg,
a pensagh a me ven frègg,
se a tì te fa nagòtt
dai fasèmm on bon RISOTT !

la pasta
la pasta