Quarantena: un termine che abbiamo imparato a conoscere a nostre spese, ma per il nostro bene! L’invito è sempre di stare A CASA.
E stando a casa, si scopre che ci sono tante cose da poter fare. Ed il nostro poeta meneghino ce le mette in rima anche per darci un po’ di buon umore!
Buona lettura!
Hinn des dì che stoo in galera,
a fà nient a vègn mai sera
on quaicòss gh’hoo d’inventà…
ècco ‘dèss tacchi a rimà|
Hoo imparaa a fà i mestee
cont on strasc voo avanti e indree,
nètti veder, paviment,
tutt in ordin, gh’è in gir nient.
Gh’hoo la cà che l’è on splendor:
che profumm, che bon odor;
tutt fregaa con candeggina…
hoo finii fin l’Amuchina.
Poeu per fà on quaicòss de bèll
voo in cusina, voo al fornèll:
nètti on verz, dodes pontinn,
on sfilzètt de salamin,
mètti tutt in cassiroeula
e me foo ‘na gran cazzoeula;
on risottin, ‘na formaggiada
e per finì la rossumada.
Me sa tant che in quarantèna
finiroo ‘me ‘na balèna
col bottasc gròss ‘me on ballon…
spostaroo tutt i botton.
Pòdisnà foo ‘n visorin
sul sofà, tra duu cussin
poeu, quand l’ora se fa tarda,
voo dessora, voo in mansarda.
‘Na mezz’ora de ciclette
la rinfòrza i garrètt,
sul tapis foo ‘na corsètta
per calà la mia panscètta.
Quatter ciaccer con la Lèna…
l’è già ora d’andà a zèna.
Hoo finii la mia giornada
‘me voo dii, ‘me l’hoo cuntada,
‘dèss me butti là in poltròna,
on cicchètt bevuu a la bòna,
‘na pippada de trinciaa…
son stracch mòrt ma soddisfaa.
E doman?… a se ripètt
son strasciaa, me butti in lètt.