San Silvester protettor
de magutt e murador,
de marmisti e spaccaprèi
ciappa ‘st’ann per i cavèi
e dal Dòmm trall sul sagraa
e ch’el vaga spettasciaa.
Disen che quand l’è bisèst
l’ann de cèrt a l’è funèst.
Beh, l’è staa ‘n ann disgraziaa:
quanta gent che gh’è mancaa,
fà la lista di disgrazzi?…
Voeuri minga pagà dazzi!
Basta dì che per quèst ann
anca el brindisi el farann
ai des or, nò a mezzanòtt
senza foeugh e senza bòtt.
‘Dèss però la pianti chì
e l’auguri che foo mì
l’è ch’el sia el vintun
on ann foeura dal comun,
on ann bèll e ch’el sia pien
de salut e de seren.
Dai versèmmen on gottin,
su i caliz, fèmm cin, cin!
