Ona mama la va dent in la stanzètta de la tosa per cavessag el lètt, in del spostagh i coèrt, la troeuva ona lèttera per lee. Pensand  al pegg, tutta infolarmada, la dèrva la busta e la leg quanto segue:

’’ Cara mama, me dispias tanto doè ditt che son scappada cont el mè noeuv moros. Quèsta vòlta hoo pròppi trouvaa el vero amore, e lù…  te doèsset  vedèl! L’è pròppi on belee con tutt chi sò bèi tatuagg, i  ’’piercing’’, i cavèi con la crèsta tutta colorada e quèlla bèlla motorona cont i bisacconi tutt pien de franz e velocissima.

Ma quèst l’è nò tutt, mama: finalment ghe son… sont al tèrz mes e Abdul el dis che starèmm benissim in la soa  ‘’roulotte’’ che l’ha parcheggiaa in mèzz ai bosch. Lù el voeur tanti fioeu, e quèst l’è domà el primm e l’è anca el mè sògn.

Vourevi ditt anca che, mì e l’Abdul, abbiamo scoperto che la  ‘’marjuana’’ la fa minga mal e inscì èmm pensaa de coltivan on poo, anca per i nòster amis, in manera che quand rèsten senza còcaina ò ecstasy pòden approfittan. In-frattant sperèmm che la scienza la troeuva on quai rimedi per l’AIDS, inscì l’Abdul el pòdarà stà on poo mej: se le merita pròppi!

Cara mammina, sta minga lì a ciappasela, gh’hoo giamò 15 ann e son bòna de rangiamm in-depermì, del rèst, l’Abdul cont i sò 44 ann el gh’ha esperienza de vend e poeu el me staa dree, el me consiglia, el me iutta in tutt’i mè dubbi, come quèlla de convertimm all’Islam. Speri de vegnì a troatt prèst inscì te podaret vedè i tò neuditt.

La toa adorada tosètta’’

P.S.  :  Tutt ball mama! Son chì dai vesin de cà. Vourevi domà ditt che in la vita gh’è di ròbb pegg de la pagèlla che t’hoo lassaa lì in sul ciffon.

Mama, te voeuri ben!!!!

LASCIA UN COMMENTO

Scrivi tuo commento
Scrivi tuo nome